color 24 hr tattoo by eyestudio

شدو الكريمي من ميبيلين

انا كنت ادور على شدو الكريمي من برجوا بس للاسف مالقيت

فجربت ميبيلين  وحطيته بيدي وعجبني درجه اللون بس قلت بنتظر برجوا

لما رجعت البيت توضيت و بعد ساعات شفت يدي للحين الون ثابت ما تغير

فرجعت وشريت منهم 3 الوان

هي الوانها غامقه بس خفيفه اذا تحبين الشدو الدخاني راح يعجبك كثيررر

وممكن تحطين فوقه شدو بودر وتدمجين بالالوان

وممكن استخدامها كبيس لتثبيت الشدو مده طويله

توضع بلاصبع وممكن استخدام الفرشه لتخفيف الون ودمجه

الوان الي شريتها

40-Permanent Taupe

55-Immortal Charcoal

50-Eternal Silver

سعر الواحد 42 ريال

natural brows

الحواجب بنظري هي النصف الاخر من جمال المرأه من بعد الشعر.
لو ركزنا شوي على شكل الحاجب الطبيعي بنشوف انه من مقدمة الحاجب خفيف وبعدين يغمق
مثلاً انا استخدم تاتوه فورايفر واحاول اني اخفف من مقدمه الحاجب علشان يكون طبيعي ومع ذالك ما احسه كثيررر طبيعي وانتم عارفين اعشق الحواجب الطبيعيه فجربت مسكرا الحواجب من بوبي براون لونها فاتح (Auburn)
فارسم حواجبي بتاتوه وبعدها بمقدمة الحاجب احط همسكرا و امشي شوي على باقي الحاجب
حاولت كثير ادور على صوره تشرح الي ببالي مالقيت اقرب من الممثله ميجان فوكس و لاني اغار منها اخترتها هههه

إن شاء الله فهمتو علي
والبنات الي يحبون الحواجب الفاتحه مثل الفنانه مايا دياب استخدمي بس هلمسكار مع انه ما يعجبني المبالغه في تفتيح الحاجب

المسكرا من بوبي براون هارفي نكيلز بفيصليه ب ٩٨ ريال
على فكره صرت حريصه على الفواتير اكثر من المنتج علشان ما انسى السعر واكتبه لكم (:

healthy mix concealer

كونسيلر من برجوا
عندي كونسيلر من ماك هو رائع ويخفي هالات العين بس كان ينقصني اضاءه تحت العين
فصرت احط كونسيلر ماك وفوقه كونسيلر برجوا
يعطي اضاءه و نضاره عجبني كثيرررر
جربت احطه لحاله عطى اضاءه بس ما اخفى لي الهالات مع ان هلاتي مو غامقه يمكن لاني شريت افتح لون درجتي ٥١

سعره جداً مناسب ٥٨ او ٤٨ ريال بحدود