الاثنين، 8 فبراير، 2016

عنايتي لمنطقه العين


مرحبا بنات 
ادري طولت عليكم كثيررر لكن تعرفو لازم اجرب كل منتج و اعطيه وقته بالتجربه 

انا بشرتي بكل امانه تمام و كنت معتمده على نظافتها و ترطيبها 
وكنت اشوف بشرتي ما تحتاج اكثر من كذا اهتمام 
لكن بعد مده تغير مفهومي للعناية ليه انتظر بشرتي تحتاج لعنايه مكثفه علىشان 
اهتم فيها زياده فقررت من فتره اغير روتيني و كل كم شهر ازيد عناية على بشرتي
ومن هنا قررت ابدا معاكم سلسله جديده خاصه للبشرة

فبما ان منطقه العين اكثر منطقه حساسه ومع الميك اب و المسح ممكن تتاثر قررت ابدا فيها , انا هالاتي جدا بسيطه ممكن عادي اطلع بدون ميك اب 
"اقول لكم هذا الكلام علشان تعرفو تجربتي"

قررت اعتني فيها اكسترا عنايه فوقع اختياري على منتجات لابريري بالعاده هم يرسلون ايميل تعريفي على منتجاتي وكنت مهتمه جداً لقراءتها 

فقبل رمضان بشهر "أدري من زمااان كثيررر بس لان المنتج جدا غالي سعره فوق الاف ريال رفضت اتكلم عنه حتى تخلص العلبه "

اعرف ان منتجاتهم مختصه لكبيرات السن نسبياً لكن ما اشوف مشكله اني اخذ منهم الي تحتاجه بشرتي 

white caviar illuminating eye serum
سيروم الكفيار الأبيض المضيء