الثلاثاء، 2 أبريل، 2013

برونزر شانيل / Review :Bronze Universal







من زمان وانا ادور على برونز شانيل 
وكل ما سالت محد يفهم علي مدري كيف يبيعون شيء ولا يفهمون بمنتجات الماركه بس بنتين فهمو علي وحده بهارفي نيكلز والثانيه بمملكه المرآه بغيت ابوس راسهم من الفرحه بس جوابهم ما اعجبني مقطوع من السوق سالت عن السبب قالت يطورون بمنتج o_O ما اقنعني الجواب المهم قالت لي بيوصل بعد شهر وهذا الكلام له شهر ونص 
مع اني ضد اني اشتري شيء ما جربته وخاصه الميك آب بس من كثر ماني حابته وصيت اختي عليه اول ما وصل لي انصدمت
ايش فيه قلتر وانا اكره شيء عندي الفلتر بلوجهه بس لما استخدمته اختفت هو قوامو موس ممكن تستخدمينه بعده باودر او بدون وممكن على كل الوجه او اجزاء منه حسب احتياجك و ممكن تحطين منه طبقات لما توصلين لدرجه البرونز الي حابتها احسه  بدون باودر يعطي اضاءه بلوجه صح هو برونز بس يعطي بشرتك مظهر صحي يجننن بمعنى الكلمه 
انا دايم اقول جربو قبل ما تشترون شيء هذا لا تجربينه اذا تحبين البرونز اشتريه وانتي مغمضه على كفالتي الشخصيه 
طبعاً جاني هوس الشيء اذا حبيته كثيرررر اخاف ينقطع ههههه يعني اتوقع لو اشوفه بشتريه احتياط لو خلص ههههه هوس غريب بس فيه تحكم يعني لو مرررره اعجبني مو على اي شيء شفتو العقل هههه 

من سيفورا دبي ب 210 درهم تقريبا ب 214 ريال
اغار منكم يا اهل دبي ^_^



هذا فيديو يشرح طريقه استخدامه


ارائكم و تعليقاتكم تسعدني

ليست هناك تعليقات:

إرسال تعليق