الأحد، 23 يونيو 2013

اشياء ندمت اني شريتها

اولا احب اقول زي دايم الي يناسبني مو ضروري يناسب غيري و العكس صحيح
نبداء بتفصيل كل منتج وليه ما حبيته



ديودرنت من بيزلين استخدمته اول 3 مرات كان كويس بعدين لاحظت يطلع ريحه غريبه واذا ما استخدمت شيء ما تطلع هذي الريجه توقعت انه فيه شيء غلط ورجعت اجربه ونفس الشيء
وبعدين تاكدت انه مو انا لحالي من كلام المدونه منى آل مرزوق
موجود بصيدليه و السوبر ماركت ب 45 ريال 

اما هذا البخاخ من ذا بودي شوب
مكتوب على المنتج انه بخاخ معزز لإشراق الشعر ومانع لتشابكه . للشعر المصبوغ
و يستخدم لشعر الجاف او الرطب
وهذا الكلام صحيح ميه بميه بس بنسبه بسيطه جدا ممكن تاخذي نتيجه 15 % فقط
شيء بسيط ويلاحظ بصراحه بس انا اطمع بالافضل وفيه منتجات افضل منه
على فكره خلصت المنتج يعني مو ذاك السوء ابدا
انا شعري ناعم وفيه نفشه بسيطه اول ما اتسبح وبعد ساعه تروح
سعر المنتج تقريباً ب 39 ريال

اما هذا المنتج عجبني الفكره انه احطه على الحبه فقط مو مثل الغسول ينجط على كل الوجه
جربته كثيرررر كثيرررررر
ورائي فيه ببساطه انه فااااااشل
سعر المنتج اتوقع 20 ريال او 15 ريال

هذي عاقصة الرموش من كليرز
ما حبيتها تعكف الرمش بطريقه غريبه وتاكدت لما جربت غيرها
كنت اتوقع ان كل  "العاقصات " هههههههه حسيت جمع راقصات
المهم كنت احسب انه مافيه فرق كل الشركات نفس الشكل 
بس اكتشقت العكس تماما
سعر المنتج اتوقع ب 49 او 39 ريال

فرشات الوجه من ذا بودي شوب
ما حبيتها لان وجهي حساس ما استحملها ابدا حتى لو استخدمتها مره بالاسبوع
وتذكرت ان طبيب الجلديه قال لي بشرتك رقيقه جدا
فممكن كثير من هذا السبب
سعر المنتج ب 15 ريال


هناك 9 تعليقات: