الأربعاء، 26 يونيو 2013

مفضلات ماما

قبل تقريبا اسبوع كنت ادهن ماما فكانت تمدح هذا الكريم  انها جربت كثير وهذا الوحيد الي فادها


ومن هنا جاء ببالي اكتب مفضلات ماما علشان امهاتنها يستفيدو
ماما يجيها حراره برجولها من السكر واستفادت منه كثير
طبعا الفازلين حبيب الكل وخاصة الامهات
لو خليتها تتكلم عنه بتاخذ كل البلوق ههههههه

هذا الفكس حكايته حكايه امي تحسسني انه دواء لكل داء ههههه
مو بس ماما اعرف وحده اذا قلت لها ضايق صدري تقول لي ادهني صدرك بفكس O_o
واهديتها مره فكس ههههههه احس لما تقراء اني كتبت عنها بتذبحني
ماما بشرتها مو جافه عاديه بس من فترة لفتره تحطه وخاصه قبل الميك آب

ماما مثل اغلب الامهات تعشق الاحمر بدرجاته وخاصه الغامق منها
هذا لونه عنابي اشترته مرتين
مكان الشراء بصيدليات و سنتربوينت ب35  او 30 ريال
 المزيل من سيفورا لما جربته كتبت لكم اخاف ينقطع من كثر ما اعجبني
وصدق انقطع فتره فكل ما رحنا السوق امي تدكرني فيه مع انه ما خلص الي عندي
امممم عرفت منين جاني هلهوس ههههه

طبعاً انا الي اسوي لماما الميك آب وفرق كبير لما استخدمت فرشات ريل تكنيك للفاونديشن
وافضل من فرشة ماك (190) لانها تعطي توزيع طبيعي وخفيف وهذي افضل طريقه علشان ما تظهر التجاعيد
اخذتها من تاجره بالانستقرام
فرشات من ريل تكنيك استخدمها ل ماما تحت العين افضل فرشات انا جرتها ما تخطط الكونسيلر ابدا و ما يظهر التجاعيد يتوزع الكونسيلر بطريقه خفيفه و ممكن تحطي طبقه ثانيه من الكونسيلر بنفس الفرشات
باختصار تعطيك افضل تغطيه للكونسيلر

هذا الروج السحري اتوقع اسمه كذا تحطه قبل الروج علشان يثبت
الحلو فيه انه لونه عنابي فاتج مو وردي الي متعودين عليه واصلا ما يوضح الون بعد ما تحطي فوقه الروج
ما اعرف منين جابته ولا بكم الي تعرف ياليت تخبرنا
روج من ماك اسمه Diva  وهو مات بدون لمعه وثباته حلو كثير اسرقه منها هههه
مكان الشراء ماك ب 98 ريال

محدد من ماك (burgundy) جد يفرق كثير لما تحددي شفايفك يبرزها و يجملها
أهم شيء الدمج علشان ما يعطي شكل محدد
زي ايام التسعينات شكلهم غبي ان شاء الله ما ترجع موضتها هههههه
تخيلت انها رجعت o_O
مكان الشراء ماك ب 90 ريال

واخر شيء لما تحس بالم تحط يدها على الالم وتقراء سوره الفاتحه

وخلصت مفضلات ماما
اتمنى من كل المدونات انهم يكتبو مفضلات امهاتهم علشان يستفيدو كبار السن
 عندي احساس كبير انهم بيتفقو على الفازلين والفكس ههههههههههههههه





هناك تعليقان (2):

  1. الله يخليها لك يارب

    ردحذف
  2. اعجبني والله يبدو ان كل الامهات تحتب كاميل ولون هالمونكير هههههه بازيد عليك امي تستخدم نيفيا بس بشرتها جافه تحتاج كريم وجه اللي تعرف تخبرنا وشي للتساقط

    ردحذف