الجمعة، 4 أبريل 2014

زيارتي لمطعم القرية النجدية

الموضوع هذا المفروض ينزل من اكثر من شهر بس انشغلت كثير عنه 
بمناسبة الجنادرية وإني للاسف ما رحت لها هذي السنة قررنا نعيش جو التراث 
فوقع الاختيار على مطعم القرية النجدية 
فاستعدينا و لبسنا شعبي ^_^
حتى الاطفال  فيه صورة وحدة المسموح لي انزلها
موجوده بالانستقرام

بكتب لكم نبذة عن المطعم 
هو مطعم شعبي بتصميم تراثي مستوحى من البيوت الطينية القديمة بمنطقة نجد وتسمى هضبة نجد 



المطعم من الخارج 


المدخل


على فكرة هذا مو باب هذا اصانصير حبيت فكرته ومفروش من جوى 
للاسف ما صورته لانه ضيق والله كفنا هههههه


شوفو الزحمة O_o
بس الحاجز يدخل بكل ثقة ههههه حقدو علينا 


المطعم عبارة عن غرف خاصة 
على فكرة احب اصور الابواب و الشبابيك 
وصورتهم كثير بس اكتفيت لكم بصوره وحده ^_^


حبيت كثير الغرفة تعيشك فعلا الجو الشعبي
المهم وانا اصورفجاءة بنت اختي تسال
ماما جبتي الايباد O_o تو مالنا خمس دقايق
رديت عليها وانا صغار ماما تقول لا تنسو الايباد واحنا نقول لا يا ماما مانبي الايباد نبي نسولف ونلعبك "كذبة بيضاء" هههههه


السقف "تصوير لا يمت للاحترافيه"



وجت القهوة وتقهوينا 


بعد القهوة وصل المنيو صورته لكم تاخذو فكرة عن الاطباق و الاسعار


المقبلات


الاطباق الرئيسية


نكمل الاطباق الرئيسية



ممكن نسميها الحلويات 



اطباق موسمية


وطلبنا العشاء 
يالله على ما يوصل العشاء ببثركم بتصوير الذي لا يمت للاحترافيه 
^_^









ما عجبتني ابداً هذي اللوحة وصار نقاش طويل
أنا اشوف من الاحترام ما تنكتب وأهلي يقولو فيه ناس تطول ويجلسو لليل فأريح لهم يحددو ساعه معينة 
عن نفسي ما اقتنعت عادي يكون نظام عندهم بس تنكتب كذا 
اعتبرها غير لبقه ابدا الحين تراثي ولما جاء على آداب الضيافة صار صارم 


ما عليكم من الدبدوب هذا جاي من آلة الزمن ههههه


ما تحرميش نفسك من حاقة عيشي جو الاحترافية


والله خلاص هذي اخر صوره 
وصل العشاء



اهم شيء الشطة 





الاطباق كانت



رز و جريش و قرصان مع دجاج
اممم انا مو من محبين الرز 
اعطية 6/10 


شوربة جريش
كانت لذيذة 
9/10 


صبيب بالعسل
ذقتها يعني مو مرة اصلا انا ما احب الاكل الشعبي غير الهريس
اعطية 4/10 


قشدة
 ما حبيتها كثيررر
اعطيها 4/10


فقع 
الكل كان متحمس يذوق الفقع ولما جاء انصدمنا 
وما اقدر امنع نفسي اني ما اقول لكم ايش قلت بتلك الحظة 
الله لا يكثر خيرهم ههههه كشنة مو نتفة فقع وين الفقع اصلا 
ما حبيته ابدا اعطية 0 /10


سمبوسة 
اكثر شيء حبيته عندهم لذيذة 
اعطيها 10/10


سلطة 
طلبنا كان سلطة حارة فرد علينا ما فيه 
فراضونا بالفلفل على السلطة ههههههه
عادية جدا جدا 
5/10


سلطة زبادي
كمان عادي زي اي سلطة زبادي
9/10


طحينة
طحينة عادية زي اي طحينة
9/10


تطلي 
عادي ما حسيته لذيذ اتذكر وانا صغيرة ما كنت احبة 
3/10


مهلبية 
كانت كويسة ما عليها 
7/10


لبن 
انا اول مرة بحياتي اشرب بطاسة اعترف لكم ناوية اشتري لي طاسة
واخصصها لشرب اللبن 
مع اني مو من محبين اللبن بس مع الطاسة حاجة تانية
10/10

وخلصنا العشاء 
يالله نشوف دورة المياة


كمان جو دورة المياة تراثي 
فيه موظفة وجهها بشوش جدا 
تدخل القلب ههههه 



خربوها ب علبة التنظيف


علبة المناديل 
التفاصيل كثيررر مهمة 


وأنا طالعة أخذت لي كم صورة 
للأسف كان زحمة


مدري ليش مسوين كذا بس عجبتني 


هذا واحنا طالعين




هذي الصورة اخذت مني اكثر من 10 دقايق
اول شيء زحمة زحمة 
ولما وصلت لسيارة وباخذ وضعية التصوير جت سيارة ثانية وقرر يوقف قدامها 
ومرة يقدم ومرة يرجع ورا وانا انتظر وين ناوي يروح 
اخر شيء وقف قدامها بضبط 
فغيرت مكان التصوير لانه غطاء عليها بالكامل
ولما وصلت اصور فيه هذا الشخص اصور اصور ابي الرجال يبعد ابدا ولا مهتم 
قرر ينظف فصورته مع السيارة هههههه

المطعم بشكل عام عائلي ينفع للاجواء العائلية 
سعر الغرفة 250 ريال مع الاكل و القهوة 
يوجد قسم للافراد 

عن نفسي حبيت التجربة و انبسطت فيها بس ما احس اني بعيدها 
خاصة ان الاكل الشعبي السعودي ما يعني لي الكثير 

نسيت اذكر لكم نسينا شنطة بالمطعم وما تذكرنا الا احنا بالسيارة فدقينا عليهم واحتفضو بالشنطة لمدة كم يوم واخذنها حبيت فيهم الحرص والامانة

واخيرا تقيمي بشكل عام
النظافة 10/10
الاكل 5/10
الاسعار 9/10
الخدمة 10/10 

موقع المطعم 
شارع أبو بكر الصديق تقاطع شارع الملك عبدالله
رقم المطعم 0114646530

ان شاء الله عجبكم التقرير 

تسعدني متابعتكم
عبر تويتر manal_ _blog

الانستقرام manal_ _blog
لتواصل معي على الايميل 
manalmubarak2@yahoo.com


هناك تعليق واحد:

  1. حلوين كتيييييييييييييييير
    http://www.hnajdclinic.com/

    ردحذف