الأحد، 6 يوليو، 2014

عنايتي اليومية بشعري


صباح الخير بنات 
هالتدوينة من زمان ابي انزلها واخيرا قدرت ^_^
اولاً لازم اعطيكم نوع شعري علشان تستفيدو أكثر من الموضوع 
شاعري ناعم وأحب اصبغة علشان يخشن شوي 
الشعره نفسها متوسطة السمك وأكيد مصبوغ 
الان شعري طبيعي فيه فترة من الفترات كان دهني 
على فكرة نوع الشعر يتغير مثل البشرة تماماً

نبدأ بعنايتي 

أنا استخدم منتجات لوريال لشعر المصبوغ و الخصلات الملونة من مدة طويلة و مرتاحه عليها


اول خطوة ابلل شعري
وأخذ كمية من الشامبو وأغسل شعري عادي 

مكونات الشامبو

بعدين انشف شعري بالفوطة مو لازم ينشف تماما شيء بسيط 
واخذ كمية من الماسك ما احطة على كامل شعري 
أخذ أكثر من نص الشعر الى تحت يعني الجذور ما احط عليها ابداً
واسوي مساك لشعر لمدة دقيقتين إلى ثلاث واغسلة بالماء
"لاتزيدي ابداً بالمدة لازم نحترم قوانين المنتجات ما كتبو شيء إلا وهم عارفين قد ايش يحتاج الشعر وممكن إذا طولتي يأثر عليك سلبياً"

مكونات الماسك 

بعدين اغسل شعري بالماء وارجع انشفه بنفس الطريقة الأولى الفائدة من أني انشف شعري علشان المنتج يدخل جوا الشعر ما يكون الشعر متشبع بالماء فماراح يستفيد ابداً من الماسك و العناية

بعدين أخذ شوي من عناية فورية للشعر
واحطها نفس الماسك مو على كل الشعر اترك الجذور واسوي مساج لشعر لمدة دقيقتين فقط
بعدين أغسل شعري بالماء وبكذا خلصنا الشور 

مكونات العناية الفورية 

بعدين اطلع من الشورو ارطب جسمي و البس ملابسي واخذ شوية وقت لما ينشف شعري شوي

أخذ كمية بسيطة من زيت مكاديميا 
أحطه أكثر شيء بطراف الشعر والباقي على كامل الشعر
أحب هذا الزيت وبصراحة من جربت ابداً غيرة من مجموعة العناية بالشعر من مكاديميا ولا ناويه أجرب غيره ههههه 
مستحيل اسافر وما يكون معي 

الاسعار للاسف ناسية بس مجموعة لوريال ما تتعدى 35 ريال للمنتج الواحد
أما زيت مكاديميا إذا مو غلطانه 180 ريال 

سميت الموضوع عنايتي اليومية لاني ما لقيت اسم غيرة لكن غسل الشعر يومياً يضر الشعر حتى لو كان شعرك دهني 
لان غسل الشعر بشكل دائم يحفز الدهون أكثر

عنايتي الاسبوعية (هنا)

تسعدني متابعتكم وارائكم

عبر تويتر manal__blog
الانستقرام manal__blog
لتواصل معي على الايميل manalmubarak2@yahoo.com




هناك تعليق واحد:

  1. يسلموا على البوست الرائع وأنا كمان استخدمت من فترة نفس الشامبو رائع للشعر

    ردحذف