الأربعاء، 22 أكتوبر 2014

Manal Beauty Bag

 صباح الخير , رغم تعبي اليوم لكن ما رح اغير الجدول و بكتب البوست

اليوم قررت اعيش خيالي و تعيشو معي 


راح اتخيل باق بيوتي بأسمي 
تكون مكونة من مجموعة من أهم المنتجات 
المنتجات مو عاديه أو من مفضلاتي لا راح تحتوي على أهم منتجات بنظري هي الافضل ومن كثر حبي لها أتمنى تكون بأسمي 

بسميها "منال بيوتي باق"

أول شيء طلعت كل شيء أحبه لقيتهم كثيرررين و شوي شوي فرزتهم و ركزت أكثر ايش ممكن ما يطلع شيء أحلى منه ايش الي راضيه عليه ميه بالميه لدرجه يحمل اسمي 

جاهزين تشوفو محتوياتها 
بسم الله 
اوميغا3  من رين 
أحبه كثيرر يحسسني إني شاربه 10 أكواب مويا 
سبق و تكلمت عنه هنا باقي منه شوي و برجع أجيب منه

مقشر الشفايف من الف هذا ممكن المره الثالثه أشترية
سبق و تكلمت عنه هنا

فكس بلس من ماك الشهيرررر

مناكير من ريفلون رقم  Vixen 570
هذا اللون بذات أشتريته ممكن 3 او 4 مرات و لازلت أعشقة
له سواتش بالانستقرام 
بتلقييه بهشتاق manal__blog#

أخترت بيوتي بلندر لانها ممكن تمد لك الفاونديشن و الكونسيلر و حتى تقدري تحطي فيها الباودر و الكونتور و الهايلايتر و البلاشر كل شيء للوجه راح تكفيك 

ولان ممكن ناس ما تحب تستخدم كل شيء بالبيوتي بلندر و تحب تخصص لكل شيء أداة 
فقررت أضيف سيقما اف 80 اصلا ما قدرت ما اضيفها حتى لما حاولت اقلل العدد 
و فرشاة الكونتور من ريل تكنيك ممكن تستخدمينها للبلاشر و الكونتور و البرونزر و الهايلايتر

فرش العين حاولت كثير اقلصهم لما وصلو ل 3 فرش 
 فرشاة من كوستال سنتس اسمها BR-B-S03
احبها كثير ومن اول استخدام وانا ما استغني عنها ابدا ابدا
فرشاة من ماك رقم 224 تستخدم لدمج 
فرشاة من ماك 217 تستخدم لوضع الشدو و الدمج المحدد شوي عكس الي قبل

كان نفسي اضيف فرشاة كمان كوستال سنتس كثيررر احبها بس قررت 3 فرش تكفي صح , ما صارت حقيبه صار محل 0_O

فرشاة من انستازيا رقم 12 مستحيل يكون فيه افضل منها حجمها و عرضها جداً مناسب للحواجب تسهل عليك تتحكمي برسم حاجبك هي لها راسين 

من الجهه الثانية مشط للحواجب روعه روعه قساوتها تمشط الحاجب شعره شعره 
من اسهل الفرش للحواجب 

فاونديشن برفكت مات من دولتشي اند غابانا
مع اني ما أحب الفونديشن المات بس جربت منه عينه و صدمني رحت للمناسبة و سهرت و رجعت للبيت و نفس الميك اب ما تغير 
تغطيته حلوه راح يكون له ريفيو خاص فيه 

برونزر شانيل عشق هالبرونزر من كثرما اعشقه خليتها على راحته و عطيته جوه لما أخذ و ضعيت التصوير الي يحبها و صورتها مع ان انعكاسي و اضح 
بس يحق له مالا يحق لغيره هههههه
تكلمت عنها هنا 

احترت بصراحه اي كونتور اختار كثيرر عندي كونتور و كلهم احبهم 
الف و ماك و نارس و انستازيا
بس بالاخير قررت كونتور كت من انستازيا 
الي يميزه عن غيره درجات مختلف راح تناسب كثيرررر بشرات 
راح يكون ريفيو عنه قريب 

بودره من لورامارسية اسمها Translucent 
الحلو فيها خفيفه و تنور الوجه بطريقه جدا جميله راح يكون ريفيو عنها قريب مابي اطول كلام هنا 

كونسيلر من ماك برلونغ وير هذا الكونسيلر روعه روعه من الاشياء الي سمعت عليها مدح و بجد قد المدح  , صحيح كثير تكلمو عنه بس ما يمنع كمان اعطي رائي فيه باقرب فرصه

اضاءه سوفت اند جنتل من ماك 
 كنت محتاره بينها وبين ماري لو وبعد تفكير و تحليل قررت ماك لسبب انها بتناسب أكثر البشرات من بيضاء الى السمرا 

بلاشر هوت ماما من ذا بالم أ ح ب ه ا 
أحسها تضبط مع كل لوك مع كل شيء مع كل البشرات 
المفروض يسموها بلاشر منال 0_O لا ايش ... منال وين رحت أنا
ههههه بديت اخبص من النوم متقطع بس ساعتين انام و اصحى ارق ارق 
يالله نكمل 

محدد من جيفنشي رقم 2 احبه كثير و يمكن لي 4 سنين و انا ما أغيره اللون مناسب و طبيعي كثيرر يناسب كل يوم من النهار الى السهره و احب اعبي كامل الشفايف يعني استخدمه كا روج 

روج من لايم كرايم درجه بنك
تركيبة هذي الارواج ثااابته و مات هذا اهم سببن يحببوني بالارواج سبق و تكلمت عنهم بالانستقرام و كمان بكتب عنهم هنا للتوثيق لاني ما احب الانستقرام و لا اشوفه مرجع سهل القراءه عكس البلوق فهو مرجع اساسي

ماسكرا من تارت هذي العشق العشق 
كثيررر احبها تفرق الرموش و تكثفها بشكل كبير ولا تلزق الرموش ببعض خاصه اني استخدم عدة طبقات من الماسكرا معها ما اشيل هم انها تلزق الرموش و بكل راحه احط مليون طبقة
 "يهمني كثير الرموش الكثيفه علشان كذا استخدم كذا طبقه مع ان رموشي كثيفه نوعاً ما"

ملاحظه لما اكتب وصف لنفسي فهو مو مدح ابداً ولا اكتب هنا استعراض لشكلي اصلا ما يهمني اكون أجمل وحده , لان البعض صدمني بالنقد هو النقد ما كان موجه لي لا, كان لحساب وحده غيري و انها تمدح بشرتها و تستخدم فاونديشن فل كفراج !! 
صار الواحده تشيل هم اي كلمه عفوية تقولها من التحليل الزايد!

الوصف لي لا يعني التباهي لا بس علشان القارئه تفهم بشرتي اي نوع و هل بيناسبها او لا 
النقد شغال كثير هاليومين ملاحظين معي هههه أي أحد فاضي نقد غيره 0__0
المهم ما علينا منهم بس حبيت اوضح هالنقطه 

قلم هيلايتر من انستازيا هذا القلم مهم مهم مهم 
حتى اذا كنت مارح تحطي ميك اب و تبين تكون شكلك مصصح حطي تحت الحواجب و على مدمع العين هو فيه راسين بدرجتين مختلفة وحده مات و الثانية شيمر
matte camille - sand shimmer

قلم من لورامارسيه cocoa
احب درجه اللون و سهوله الاستخدام ممكن تحطيه بالقرب من الرموش و تدمجي باصبعك او بالفرشاة ممكن تستخدميه على كامل الجفن 
هالقلم جداً عملي 

كنت محتاره بين كحل ماك او ذا بالم 
فضلت ماك لان ذا بالم غير مضاد للماء فالي جفنها دهني ماراح يناسبها اطلاقاً
و جربت كثيرررر جل ما حبيت الا ماك و الحلو فيه تستخدميه برا العين و جوا العين و سواده روعه و ثابت

رموش من هاوس اوف لاشز lconic 
هالرموش كثيررر حلوه لسهره ما اقدر اوصف اخليها توصف نفسها

أخر شيء حبيت اضيف ل منال بيوتي باق 
هذا البروش هذا البروش يعني لي الكثيررر له سنين عندي تقريبا 6 سنين 
هو رمز للكفاح للايمان بالذات للايمان بخياراتك و قدراتك مهما تعرضتي للنقد او لتجاهل لازم تثقي بنفسك و بقدراتك . الصبر حتى تحقيقي احلامك , مهمها كانت مستحيله للبعض هي احلامك محد له حق يسلبها منك.
اللبوه هي مجرد رمز ان تكوني محاربة , مصره , واثقه , عنيده , صبوره , قوية , مثابره



و بكذا خلصت حقيبة منال للجمال 
اكيد لاحظتو ما فيه باليت شدو برغم حبي لكذا باليت لاكن ما احس انه يحمل اسمي احس بيجي باليت كامل يعجبني ممكن يكون لوراك ميغا برو ممكن بس يجي بقرر
وفاء و فوفو اذا اضفتوه بحقيبتكم ولا جاني أممممممممم! 
و كمان ما اضفت بودره لان للان ما شفت بودره اساس ابهرتني 
ولا جل للحواجب جربت كثير و حلوين بس عندي احساس بيجي افضل منهم 

اعرف ان المنتجات غاليه وهذا الشيء ابدا ما كان مقصود  لكن اوعدكم اخصص
باق لمتناول الجميع لكن يبيلي و قت اجرب

راح اسوي تاق لكذا بلوقرز و يوتيوبرز بالانستقرام علشان يشاوكونا 
بيوتي باق الخاصه فيهم و كثيرر متحمسه 
و اي وحده تحب تشارك بكون أكيد مبسوطه 
يسعدني تفاعلكم و أرائكم 
عبر تويتر manal blog
الانستقرام manal blog
لتواصل معي على الايميل manalmubarak2@yahoo.com








هناك 4 تعليقات:

  1. الله يهنيج بالاغراض حبيبتي
    نص اغراضج حطيتهم بالوش ليست مالتي
    وبالنسبه للتجريح حبيبتي سوي طاف..انتي او غيرج من البلوقرز
    في ناس يحبون يحبطون الغير لمجرد الحقد والكره
    ولا تجي لج وحده تقول حرام تشترون كل هالمكياج؟؟ تقولين شاريه من فلوس ابوها
    نحن ما لنا غنى عنكم..ما نشتري شي الا من ورا مدحكم وتجاربكم
    للامام

    ردحذف
  2. ي قلبي انتي مرره حلوه مدونتك واستفدت منك كثير الله يجزاك الجنه ..
    و بالسنااب توسعين الصدر , صوتك يعجبني فيه انوثه مشاء الله
    أختك مريم

    ردحذف
  3. يعطيك العافيه حبيبتي جدا استمتعت واستفدت منك

    ردحذف
  4. ماشاءالله عليكي كل شي تقولين عنه حلو
    وفي أشياء كنت محتاره اخذها بس اقنعتيني فيها
    لازم كل يوم افتح السناب واشوف اسنابك

    ردحذف