فرشاة الأسنان ايسا فوريو

من فتره وصلت لي فرشاة السيليكون فوريو اليسا 

الغريب قبل شهور كنت ناويه اطلبها اون لاين قبل وصولها لصيدليه وايتس

وسالتكم بالسناب اذا احد جربها و للاسف محد سمع عنها و انشغلت و نسيتها هههه

الحين بتكلم عن مميزات الفرشاة 
فرشاة الاسنان كهربائية تنبض و تتذبذب بشكل لطيف و غير مزعج 
مصنوعه من السيليلكون سهلة التنظيف و تمنع تراكم البكتريا 
لان الفرشاة النايلون التقليدية تتجمع عليها البكتيريا
البطاريه تستمر لمده من سنه 0_O
تشحنيها عن طريق يو اس بي 
خفيفه الوزن سهله انها توقف على المغسلة 
الراس تنحني بسهوله و تاخذ شكل الفم 
ماله داعي تشتري فرشاة جديده كل سنة فقط تغيري الرأس كل سنه 

هذا شكل الفرشاة من الامام 
فيها سرعتين موضحه تحت + للزياده - لنقص

هذا شكل الرأس توضح فيه شعيرات السيليكون 

من الجنب تاخذ شكل منحني و الراس مرن ينحني اكثر حسب شكل الفم

هنا اوضح لكم الانحناء

والله مستحيه من هذه الصوره 
((( منال امسحيها مبينه وحش وش ذي الاسنان  
لا عادي وين مصدقيتك طلعي كل شي ما يهم انا وحش و بنزل الصوره)))

استهدو بالله اول شيء الي يتابعني بالسناب يعرف اني مداومه عن جزار الاسنان 
وبين حفر و حشو و زراعه فاكيد اسناني مو مثل الاسنان الطبيعيه 

وبس مو الاسنان الي تمثل الانسان والله انا زينه ههههههه
وباقي ما خلصتها بس هي للان حاده علشان كذا تقطعت الفرشاة 

شكلها من الخلف 
فتحتها الشاحن تحت

فتحه الشاحن ضد الماء فما تخافين انها تخرب 

طريقة الاستخدام 
بللي الفرشاة و ضعي المعجون 
الصورة اليسار توضح كل جزء لمده 30 ثانية الفرشاة
تعطي تنبيه ضوئي بعد 30 ثانية
و تنتقلي للربع لثاني كمان لمده 30 ثانية 
و كذا لما تخلص باقي الاجزء الاربعه

فيديو يوضح مميزات الفرشاة

الان بتكلم عن تجربتي ايش حبيت ما حبيت

- حبيت انها تعطيني دقيقتين انظف فيها اسناني و اتقيد فيها لاني سريعه سريعه 

- حبيت الضوء التنبيه علشان انتقل للقسم الثاني للاسنان كثيرر مريحه
- حبيت الشاحن سنه كامله ما اشحن انجااااااز 
-حبيت انها ما تجمع بكتيريا
- حبيت انها ما تجرح اللثه ولا مره طلع من لثتي دم
- حبيت انها فرشاة العمر تشترينها مره وحده الراس فقط تتغير
- حبيتها مع معجون التبيض القاسي الي استخدمه كل شهر احس فعلا بعدها بتنظيف
- جبيت الاهتزاز بسيط ما تحسيها براسك فيه فرش تحسي راسك بينفجر معها


- ما حبيت احساس التنظيف بعد استعمالها ما احس انها مرررره تنظف مع اني سالت طبيب اسنان و رد لي ان الفرشاة لازم تكون ميديم مو قاسيه و لا ناعمه , ما ادري اذا غلط مني او لاني تعودت على الفرش القاسيه الي لازم تحسي بعدها بنظافه

اشوفها ممتازه للاشخاص الي لثتهم تعبانه و كل مره ينظفون اسنانهم يطلع دم تناسبهم كثيررر و بيرتاحون معاها

لكن شحصيا ما احس انها من الفرش المميزه الي غيرت حياتي وما اقدر استغني عنها 
اتوقع بعد تطوير الفرشاة و تحسينها ممكن يتغير رائي

الفرشاة متوفره حصريا بصيدليه وايتس 

www.whites.net

شكرا لتفاعلكم و لدعمكم لي 

لتواصل معي على

 تويتر manal blog

الانستقرام manal blog

سناب شات Manal_blog

ستور هاوس Manal__blog

 الايميل manalmubarak2@yahoo.com