الأحد، 1 يوليو، 2012

تاتو فورايفر و بودرة بودي شوب

افضل منتجين للحواجب
تاتو فورايفر سهل الرسم احب ارسمها بلفرشات الي معها المشطوبه اما الرفيعها ارسم فيها الكحل الكريمي
فيه كثيرين لما يشوفون حواجبي يستغربون ان استخدم فورايفر يقولون ثقيل ويبين وانتي حواجبك شكلها طبيعي
السر سهل جداً لا تكثرين الكميه ومشطيها عندي فرشات حقت الماسكرا نظفتها زين وخليتها مشط للحواجب بعد ما ارسم حواجبي امشطها علشان تبان طبيعيه او تجيبين مثل هلفرشات
سعره ١٦٠ ريال
بودره بودي شوب سهله وطبيعيه جداً بعد رسمها احط ماسكرا الحواجب علشان يثبت اللون ويطلع شكلها طبيعي
سعر البودر ٧٧ ريال و الماسكرا ٥٠ ريال
قارنت بين المنتجين رسمت كل حاجب بنوع اول شيء ما حسيت باي فرق نفس اللون ونفس النتيجه بس بعدها بيوم لاحظت ان فورايفر يتجمع ويطلع شكله بشع لااازم ارجع ارسمه لانه مستحيل احد يشوفني كذا شكله بمرررا مقرف
اما بودي شوب يخف اللون بس ما يتجمع برائي هو المنتج الافضل والطبيعي اكثر خاصه بعد ما نصحى من النوم
اخر نصيحه واهمها ممنوع اي بنت مهما كان لونها و لون شعرها تستخدم راسم حواجب اسود لانه مستحيل اي شخص بعالم حواجبه سودا اذا شعرك غامق واسود اختاري بني غامق

هناك تعليق واحد:

  1. يعطيك ألف عافيه كنت مترددة بينهم ��

    ردحذف