السبت، 16 مارس، 2013

My Everyday Makeup

بتكلم اليوم عن ميك آب كل يوم
انا بصراحه ما احط كل يوم لاني غير موظفه بس اكيد فيه ايام اضطر اني احط كل يوم فحبيت اكلمكم عن طريقتي
اولاً صوره جماعيه للميك آب ادري قليله

 
اذا كنتي بتطلعين الصباح ضروري واقي شمس كل يوم لان كلنا نعرف اضرار الشمس
هذا الواقي من البشره الدهنيه الى العاديه انا بصراحه ما احط واقي لان ما اطلع لشمس اصلاً بس حبيت اضيفه علشان الطالبات و الموظفات هذا الواقي يغني عن كريم الاساس خاصة لذوات البشره الصافيه او قليلة العيوب اما انا احط بس مرطب ما اقول لكم اني بشرتي صافيه ونقيه لا فيه كم حبه تروح وتجي (: بس مايهمني اخفيها اذا هو ميك آب يومي.
ثاني شيء تاتوه الحواجب وصورت لكم الفرشات الي امشط فيها حواجبي هي اصلاً ماسكرا كسرتها ونظفتها زين.
احب الكنتور اكره شيء يكون وجهي ابيض ومافيه كنتور يحدد الوجه ويبرزه اكثر استخدم بلاشر هارموني (harmony) من ماك هو كنتور خفيف احبه كثير اكره الكنتور الغامق.
وبعدها احط بين تنت (benetint) من بنفت على الخد و الشفايف وباقي الموجود بفرشات امرر
على عيني من كسرت العين >> "مدري الاسم صح علي او لا " على خفيف جدا

انا استخدم مسكرتين واحياناً ٣ انواع اول شيء احط ماسكرا ريفلون وبعدها ماكس فاكتر عيب هلمسكرا انها صعبه شوي يبيلها تركيز اذا انا مستعجله افضل ما استخدمها .
وبكذا خلصت
بحط لكم فيديو يوضح الميك آب اليومي الي انا شخصياً افضله

هناك 5 تعليقات:

  1. ياجماااالك ,. بسيطة وبدون تعقيد
    فعلاااا اكره الوجه الابيض الكامل بدون تحديد
    يبين الوجه كانة عليه طحين وبس
    بوست جميل

    ردحذف
    الردود
    1. يسعدك ربي ❤
      لو كنت عارفه ان تويتر بيعرفني على جميلات مثلك كان دخلته من زمان جد مبسوطه اني تعرفت عليك ❤❤❤

      حذف
  2. روعه ’ أستفدت حيل ..
    شكراً ياجميله=)

    ردحذف
  3. أنا بعد كنت أستخدم هارموني، دورت شيء زيه ما لقيت، ميزته بالنسبة لي مافيه لون برتقالي، فهو أحسن شيء للكنتور لحد الآن. ودي أجرب إيلاماسكا شفت عندهم شيء مايل للرمادي بس أنه فاتح مرة، يعني للبشرات البيضا، يمكن ألقى أُغمق شوي.
    يقولون برونز ويت آن وايلد حلو للكنتور بسما جربته، بيرجوا بعد عندهم برونز حلو بس مايل للأصفر موب الدرجة المثالية بالنسبة لي للكنتور.

    ردحذف